STI Pre strategy : STI पूर्व परीक्षा नियोजन

नमस्कार मित्रहो,
STI ची ऍड येऊन काही दिवस झाले आहेत , STI एक्साम साठी कोणत्या बुक्स मधून अभ्यास करावा याची पुस्तक यादीही यापूर्वी आम्ही पुरवली आहे. मात्र ज्याप्रमाणे आम्ही राज्यसेवा 2017 समोर ठेऊन अभ्यासाचे नियोजन ( वेळापत्रक ) करून दिले आहे , त्याचप्रमाणे STI चेही नियोजन करून घ्यावे असे अनेक मित्रांनी विनंती वजा msg फेसबुक पेज / टेलिग्राम / व्हाट्स ऍप वरती पाठवले आहेत, त्यांच्या विनंतीला मान देऊन आगामी STI पूर्व  परिक्षेकरिता अभ्यासाचे नियोजन देत आहोत.

दुसरी एक गोष्ट माज्या निदर्शनास येत आहे, ती म्हणजे " STI जाहिरात आल्या पासून काही क्लासेस ,
पुस्तकांचे लेखक , काही अधिकारी यांनी STI पूर्व परीक्षेसाठी बुक लिस्ट शेअर केल्या आहेत . त्या सर्व बुक लिस्ट वाचल्या असता असं लक्षत येत आहे की सर्व जण आपापले हितसंबंध जपत आहेत. क्लास वाल्यानी त्यांच्या क्लास ने प्रकाशित केलेली पुस्तकेच सुचवली आहेत, काही पुस्तक लेखकांनी आपलीच पुस्तके किंवा आपल्या सहकारी लोकांची पुस्तके सुचवली आहेत , तर काही अधिकाऱ्यांनीही विद्यार्थीहीत बाजूला ठेऊन आपल्या सहकारी / मित्रांनी अलीकडेच प्रकाशित पुस्तके सुचवली आहेत." पण शेवटी प्रश्न हे अधिप्रमाणित (Authentic) पुस्तकातूनच येतात ज्यांच्या आधारावर आपण एखाद्या प्रश्नाला आवाहन देऊ शकतो. तेंव्हा पुस्तके वाचताना जाणीवपूर्वक अधिप्रमाणित पुस्तकेच वाचनासाठी / अभ्यासासाठी निवडा.

• STI पूर्व परीक्षेसाठी कोणती पुस्तके वाचावीत ?

प्रथमतः शिल्लक दिवस आणि अभ्यासावयाचे विषय यांचा आढावा घेणे आवश्यक आहे, आपण जर 10 नोव्हेंबर या तारखेपासून अभ्यासाचे नियोजन करायचे ठरवले तर साधारणतः 80 दिवस आपणास अभ्यासासाठी उपलब्ध आहेत, आणि अभ्यासावयाचे विषय हे साधारणतः 7 आहेत ( इतिहास , भूगोल , राज्यशास्त्र , अर्थशास्त्र , विज्ञान , बुद्धिमत्ता व गणित आणि चालू घडामोडी ) . तर साधारणतः आपल्या लक्षात येईल की प्रत्येक विषयास अब्यासासाठी 11 दिवस उपलब्ध आहेत. मात्र , अभ्यास करताना आपणास सर्व विषय सारखेच सोपे किंवा अवघड नसतात. अशावेळी आपणास सोप्या विषयाचा वेळ आपण तुलनेने आपणास अवघड विषयासाठी देऊ शकतो. म्हणून आपन नियोजनात 2 विषयांचा समांतर अभ्यास करणार आहोत. म्हणजे एका दिवशी एक विषय न वाचता 2 विषय घेणार आहोत. त्यामुळे अभ्यासात एकाच विषयाचा कंटाळा येणार नाही.

आता चालू घडामोडी आणि बुद्धिमत्ता व गणित हे विषय असे आहेत की ते रोजच्या रोज केले पाहिजेत. चालू घडामोडी रोज वाचल्या तर फायदेशीर असतात , तर गणित व बुद्धिमत्ता या विषयात प्राविण्य मिळवण्यासाठी रोजचा सराव हा केलाच पाहिजे , तेंव्हा या विषयासही  रोज वेळ देणे क्रमप्राप्त आहे.

परीक्षेसाठी उरलेल्या 80 दिवसांचेही आपण 20 + 20 + 20 + 20 असे 4 भागात विभागणी केली आहे. यामध्ये आपला परिपूर्ण अभ्यास म्हणजे वाचन , उजळणी व प्रश्नपत्रिका सोडवणे याचा समावेश आहे.

आता 5 विषयांपैकी ( इतिहास , भूगोल , राज्यशास्त्र , अर्थशास्त्र , विज्ञान ) 2 विषय ( एक सोपा व एक अवघड ) आपण पहिल्या 20 दिवसांत अभ्यासणार आहोत. ( समजा आपण पहिल्या 20 दिवसांसाठी इतिहास व भूगोल निवडले. )

पुढच्या 20 दिवसांत राहिलेल्या 3 पैकी 2 विषय अभ्यासासाठी घेणार आहोत.( समजा या 20 दिवसांत आपण राज्यशास्त्र व अर्थशास्त्र घेऊ. )

त्यानंतर पुढील 20 दिवसांत राहिलेला विषय आणि आधी केलेल्या 4 विषयांची उजळणी करणार आहोत. ( या 20 दिवसांत विज्ञान व इतर 4 विषयांची उजळणी करू .)

तर शेवटच्या 20 दिवसांत चालू घडामोडींवर एक नजर , 5 व्या विषयाची उजळणी ( म्हणजे आपल्या उदाहरणात विज्ञान हा 5 वा विषय आहे ) , आणि महत्वाचा भाग म्हणजे प्रश्नपत्रिका सोडवणे या गोष्टी करणार आहोत.

आता अभ्यासाची वेळ:

सकाळ 8 ते 12 - एक विषय
दुपार 2 ते 6 - दुसरा विषय
रात्री 8 ते 10 - गणित व बुद्धिमत्ता

असे अभ्यासाचे विश्रांतीसह नियोजन करा , यामध्ये तुमच्या गरजेनुसार बदल करू शकता.

शक्यतो प्रश्नपत्रिका सोडवण्यासाठी 11 ते 12 हा वेळ द्या , जेणेकरून परीक्षेची वेळ व आपल्या सराव प्रश्नपत्रिका सोडवण्याची वेळ सारखीच राहील.

सर्वात महत्वाची गोष्ट म्हणजे , तुम्ही ज्या पुस्तकातून वाचन केले आहे त्याच पुस्तकातून उजळणी करा, तुमच्या स्वतःच्या नोट्स असतील तर उजळणी साठी त्याहून उत्तम दुसरे काही नाही , तेंव्हा उजळणीला खूप महत्व आहे.

STI पूर्व परीक्षेला सामोरे जाताना :

• सकारात्मक दृष्टिकोन ठेऊन अभ्यास चालू ठेवा जागा कमी कि जास्त? , कट ऑफ कमी कि जास्त? , पेपर अवघड कि सोपा? , माझं सिलेक्शन होईल की नाही ? अशा कोणत्याही विचारांच्या अधीन राहून अभ्यास करू नका . कोणत्याही दडपणाविना अभ्यास करा.
• STI च्या मागील प्रश्नपत्रिकांचा अभ्यास केला असता असे लक्षात येते की प्रत्येक विषयावर साधारणतः 12-15 प्रश्न विचारले गेले आहेत, तेंव्हा प्रत्येक विषयाला समान महत्व देऊन त्याचा सर्वांगीण अभ्यास करणे गरजेचे आहे. अभ्यास हा पूर्णतः परीक्षेच्या दृष्टिकोनातून परीक्षार्थी म्हणूनच करा. एखादा विषय मागे / अवघड वाटत असल्यास त्यावर जास्त कष्ट घ्या.
• अभ्यासक्रमाधारीत अभ्यासाला प्राधान्य द्या, जेणेकरून तुमची शक्ती नको त्या घटकावर वाया जाणार नाही.
• चालू घडामोडींची जून 2016 पासूनची मासिके वाचून काढा , याआधीच्या परीक्षेमध्ये चालू घडामोदींवरील प्रश्न हे अगदी एक्साम पूर्वीच्या 15 दिवसांवरही विचारले गेले आहेत. त्यामुळे साधारण पेपर वाचन सुरु ठेवा , पण त्यातच जास्त वेळ गुंतून बसू नका.
• चालू घडामोडीसाठी आपल्या ब्लॉगवरील चालू घडामोडी असतील किंवा आमच्या @ChaluGhadamod या टेलिग्राम चॅनेल वरील चालू घडामोडीही वाचू शकता. ब्लॉग वर अगदी जानेवारी 2016 पासूनच्या चालू घडामोडी वाचनासाठी उपलब्ध आहेत. शेवटच्या काळामध्ये आपण एक नजर या सर्व चालू घडामोडींवर टाकू शकता.
• आम्ही सुचवलेल्या पुस्तकातून जर तुम्ही अभ्यास केला नसेल / वाचले नसेल तर गोंधळून जाऊ नका , जे पुस्तक आधी वाचले आहे त्यातूनच आणखी अभ्यास करा , उजळणी करा. ऐन परीक्षेच्या तोंडावर नवीन पुस्तक वाचायला घेणे धोकादायक ठरू शकते. 
• उजळणी हा अभ्यासाचा अत्यंत महत्वाचा भाग आहे , तेंव्हा प्रत्येक विषयाची किमान 2 वेळा उजळणी होईल अशा प्रकारे वेळापत्रकात बदल करू शकता . उजळणी तुम्ही काढलेल्या नोट्स / वाचलेल्या पुस्तकातूनच करा.
• सर्वात शेवटी महत्वाचं म्हणजे प्रश्नपत्रिका सोडवणेचा भाग. शेवटच्या 20 दिवसात दररोज एक याप्रमाणे कमीत कमी 20 प्रश्नपत्रिका सोडवून झाल्या पाहिजेत . याहून जास्त होत असतील तर चांगलीच गोष्ट आहे. यासाठी आपण बाजारातील उपलब्ध प्रश्नपत्रिका संच किंवा एखाद्या चांगल्या क्लासच्या टेस्ट सोडवू शकता. प्रश्नपत्रिका सोडवून झाल्या नंतर जर तुम्हाला कमी मार्क्स मिळत असतील तर घाबरण्याचे कारण नाही, किंवा जास्त पडले तर हुरळून जाण्याची गरज नाही. तुम्ही केलेल्या अभ्यासावर विश्वास ठेवून परीक्षेला सामोरे जा यश जास्त दूर नाही.
• स्पर्धेच्या युगात ज्ञानार्थी होण्याबरोबरच परीक्षार्थी होणे तितकेच आवश्यक आहे , तेंव्हा पूर्ण पणे ध्येयाधिष्टीत अभ्यास करा. 

आपल्या काही अडचणी / शंका असतील तर त्या आम्हाला येथे पाठवू शकता :

• E mail - empsckatta@gmail.com
• Telegram- https://Telegram.me/eMPSCkattaAdmin

तुम्हा सर्वांना परीक्षेसाठी शुभेच्छा.