🔰 Current Affairs Marathi 🔰:
🔹सहा स्थळांना दर्जा वारशाचा
महाराष्ट्र राज्य जैवविविधता
मंडळाने राज्यातील सहा ठिकाणांना जैवविविधता वारसा स्थळांचा दर्जा दिला आहे.
विदर्भातील गोंदिया जिल्ह्यातील दंडारी दलदल कुही आणि गडचिरोली जिल्ह्यातील वडाधाम
जीवाश्म पार्क या दोन ठिकाणांचा यामध्ये समावेश आहे.
राज्य जैवविविधता मंडळाची बैठक
बुधवारी मंत्रालयात पार पडली. वन विभागाचे सचिव विकास खारगे, मंडळाचे अध्यक्ष विलास बर्डेकर, सचिव
डॉ. विनय सिन्हा यांच्यासह मंडळाचे सदस्य या बैठकीला उपस्थित होते. नव्याने
नियुक्त करण्यात आलेल्या सदस्यांचीही पहिली बैठक होती.
जैवविविधता वारशाचा दर्जा
देण्यासाठी मंडळाकडे एकूण नऊ प्रस्ताव आले होते. त्यापैकी सहा प्रस्तावांना
मंडळाने मंजुरी दिली आहे. विदर्भातील दोन ठिकाणांव्यतिरिक्त रत्नागिरी जिल्ह्यातील
वेळास व आंजर्ले, जळगावमधील लांडोरखोरी जंगल आणि
पुण्यातील गणेशखिंड उद्यानांचाही समावेश या ठिकाणांना जैवविविधता वारसा म्हणून
घोषित करण्यास मंडळाने मंजुरी दिली असल्याची माहिती आहे.
या सहा ठिकाणच्या जैवविविधतेचे
संवर्धन व्हावे व लोकांना येथील समृद्ध जैवविविधतेची माहिती व्हावी, या उद्देशाने हा दर्जा देण्यात आला आहे. या ठिकाणांबद्दल
माहितीपत्रके प्रसिद्ध करणे, तेथील कामांसाठी निधीची तरतूद
करणे तसेच या ठिकाणांची प्रसिद्धी करणे याबाबत या बैठकीत चर्चा करण्यात आली.